ஏப்ரல் 5ல் இந்தியா தேசிய கடல்சார் நாளை ஏன் கொண்டாடுகிறது?

இந்தியா தனது கடல்சார் பாரம்பரியத்தை நினைவுகூரும் வகையில் ஒவ்வொரு ஆண்டும் ஏப்ரல் 5ம் தேதியை தேசிய கடல்சார் நாளாக கொண்டாடுகிறது. இந்த நாள் இந்திய கப்பல் போக்குவரத்துத் துறையின் முக்கியத்துவத்தை எடுத்துரைப்பதோடு, நாட்டின் பொருளாதார வளர்ச்சியில் கடல்சார் வர்த்தகத்தின் பங்களிப்பை வெளிப்படுத்துகிறது. 1919ல் ஏப்ரல் 5ம் தேதி முதல் இந்திய கப்பல் வணிக நிறுவனமான சிந்தியா ஸ்டீம் நேவிகேஷன் நிறுவனத்தின் எஸ்எஸ் லாயல்டி கப்பல் மும்பையிலிருந்து லண்டன் நோக்கி பயணித்தது. இது இந்தியாவின் கடல்சார் வரலாற்றில் ஒரு முக்கிய திருப்புமுனையாக கருதப்படுகிறது. இந்நிகழ்வை நினைவுகூரும் வகையில் 1964ல் இந்த நாள் தேசிய கடல்சார் நாளாக அறிவிக்கப்பட்டது. இன்று இந்தியாவின் கப்பல் போக்குவரத்துத் துறை உலகளவில் குறிப்பிடத்தக்க இடத்தை வகிக்கிறது. நாட்டின் சர்வதேச வர்த்தகத்தில் 95 சதவிகிதம் கடல்வழி போக்குவரத்து மூலமாகவே நடைபெறுகிறது. இந்நாளில் கடல்சார் தொழிலாளர்களின் பங்களிப்பை பாராட்டுவதோடு, நாட்டின் கடல்சார் பாதுகாப்பு மற்றும் சுற்றுச்சூழல் பாதுகாப்பு குறித்த விழிப்புணர்வும் ஏற்படுத்தப்படுகிறது.