மத்திய கிழக்கில் தொடர்ந்து நடைபெற்று வரும் பதட்ட சூழ்நிலையை தீர்க்கும் நோக்கில் இஸ்லாமாபாத்தில் நடைபெற்று வரும் அமெரிக்கா-ஈரான் பேச்சுவார்த்தை தற்போது சிக்கலான நிலையை எதிர்கொண்டுள்ளது. லெபனான் விவகாரத்தில் இஸ்ரேல் முன்வைத்துள்ள கோரிக்கைகள் காரணமாக இந்த பேச்சுவார்த்தை நிச்சயமற்ற திசையில் சென்று கொண்டிருக்கிறது. போர்நிறுத்த ஒப்பந்தத்தை எட்டுவதில் முக்கிய தடையாக லெபனான் எல்லைப் பகுதிகளில் இஸ்ரேல் வைத்துள்ள நிபந்தனைகள் இருப்பதாக அமெரிக்க அதிகாரிகள் தெரிவித்துள்ளனர். ஹிஸ்புல்லா அமைப்பு தொடர்பான பாதுகாப்பு நடவடிக்கைகள் மற்றும் எல்லைக் கட்டுப்பாட்டு நடவடிக்கைகள் ஆகியவற்றில் இஸ்ரேல் கடுமையான நிலைப்பாட்டை கடைபிடித்து வருகிறது. ஈரானிய பிரதிநிிகள் இஸ்ரேலின் இந்த கோரிக்கைகளை ஏற்றுக் கொள்ள முடியாது என்ற நிலைப்பாட்டை தெரிவித்துள்ளனர். இந்த சூழ்நிலையில் அமெரிக்க மத்தியஸ்தர்கள் இரு தரப்பையும் சமாதானப்படுத்தும் வகையில் மாற்று வழிகளை கண்டறிய முயற்சி செய்து வருகின்றனர். எவ்வாறாயினும் இந்த பேச்சுவார்த்தை வெற்றிகரமாக முடிவடையுமா என்பதில் சந்தேகம் நிலவுகிறது.