தென் மாவட்டங்களுக்கு அடுத்த 3 மணிநேரத்திற்கு கடும் மழை எச்சரிக்கை

தமிழகத்தின் தென் மாவட்டங்களான திருநெல்வேலி, தூத்துக்குடி, கன்யாகுமரி, தென்காசி ஆகிய பகுதிகளில் அடுத்த மூன்று மணிநேரத்திற்கு கடும் மழை பெய்ய வாய்ப்பு உள்ளதாக பிராந்திய வானிலை ஆய்வு மையம் எச்சரிக்கை விடுத்துள்ளது. இடியுடன் கூடிய மழை பெய்யக்கூடும் என்றும் தெரிவிக்கப்பட்டுள்ளது. குறிப்பாக மாலை 3 மணி முதல் 6 மணி வரையிலான நேரத்தில் கடும் மழை பெய்ய வாய்ப்பு அதிகம் இருப்பதாக வானிலை ஆய்வு மையம் தெரிவித்துள்ளது. மழையின் தீ்ரம் மணிக்கு 40 முதல் 60 மில்லிமீட்டர் வரை இருக்கும் என்று கணிக்கப்பட்டுள்ளது. இந்த நிலையில் மக்கள் தேவையில்லாமல் வெளியே செல்வதை தவிர்த்து வீடுகளிலேயே இருக்குமாறும், மின்சாரக் கம்பிகளுக்கு அருகில் செல்வதை தவிர்க்குமாறும், வெள்ளநீர் தேங்கியுள்ள பகுதிகளில் வாகனங்களை ஓட்டுவதை தவிர்க்குமாறும் மாவட்ட நிர்வாகம் அறிவுறுத்தியுள்ளது.