தமிழகத்தில் நடைபெற்று வரும் தேர்தல் பிரசார காலத்தில் போலி சமூக வலைதள பதிவுகளும் செயற்கை நுண்ணறிவு தொழில்நுட்பத்தால் தயாரிக்கப்பட்ட வீடியோக்களும் அதிகளவில் பரவி வருவது கவலையளிக்கிறது. பல்வேறு அரசியல் கட்சிகளின் தலைவர்கள் மற்றும் வேட்பாளர்கள் தொடர்பான தவறான தகவல்கள் சமூக வலைதளங்களில் வைரல் ஆகி வருகின்றன. இந்த போலி வீியோக்கள் மிகவும் யதார்த்தமாக தோற்றமளிப்பதால் சாதாரண வாக்காளர்களால் அவற்றை அடையாளம் காண்பது கடினமாக உள்ளது. தேர்தல் ஆணையம் இது குறித்து கவலை தெரிவித்துள்ளதுடன், சமூக வலைதள நிறுவனங்களை இதுபோன்ற உள்ளடக்கங்களை உடனடியாக நீக்குமாறு கேட்டுக்கொண்டுள்ளது. நிபுணர்கள் வாக்காளர்களை எச்சரித்துள்ளதுடன், எந்தவொரு தகவலையும் பகிர்வதற்கு முன் அதன் உண்மைத்தன்மையை சரிபார்க்குமாறு அறிவுறுத்தியுள்ளனர். தேர்தல் ஆணையம் மற்றும் சைபர் குற்றப் பிரிவு இணைந்து இதுபோன்ற போலி உள்ளடக்கங்களை கண்டறிந்து நீக்கும் பணியில் தீவிரமாக ஈடுபட்டுள்ளன.